Transcription
1
Reçue à Grenoble, le 09 mars 1573.
2
Monsieur, j’ay receu la lettre qu’il vous a pleu m’escrire, ensemble
3les novelles [barré : desquelles ] ^ [^ dont] il vous a pleu me fère part, desquelles je
4
continuerey aussy à vous remercier. Je ne vous scarés mander aulcune
5
chose de nouveau monsieur, sy ce n’est qu’on m’a escript d’Ambrun que
6
le consul de Fressinières que monsieur de St André faisoyt detenir pour
7
les deniers deubz à sa maiesté a esté sourty de mes prisons de nuict, qui
8
sont fortes aultant qu’il y en ayt point en ce païs du Daulphiné et
9
ung aultre larron qui estoyt avec luy ; et non contant de ce, ilz sont
10dessenduz la mesme nuict par [barré : dessus ] les murailles ^ [^ de la ville] et comme ma
11
escript monsieur le vibaly d’Ambrun, en ung vilage nommé Chancela
12trante ou quarante argquebuziers le sont venuz [barré : assalir ] recepvoir. Vous
13
povez juger par la monsieur de l’ordre qu’il y a à Ambrun. Vous verrés
14
aussy par la lettre cy joincte dudit vibaly, les doubtes qu’il a pour le faict
15
de leurs gardes et les aprehensions qu’ilz praignent, de manière monsieur
16
que je treuverois bon de leur mander quelcun pour les commander. Car
17
je cognois se peuple sy adonné à leurs proffictz particulliers qu’ilz ne
18
font aulcung compte de se garder, sinon quant l’on les presse ou qu’ilz
19
ont peur. Je n’entens jà monsieur qu’ilz ayent ^ [^ besoing de] gens de guerre car
20
ilz sont assés suffizant pour se garder, pourveu qu’ilz ayent ung chef
21
qy’ay l’ueil ouvert sur la ville et qu’il soyt respecté d’eux. Et
22
n’ayant pour cest heure aultre chose digne de vous, je ne vous enuierey
23
plus longuement par ceste letre, sy ce n’est pour me recommander
24
humblement à votre bonne grace et prie Dieu,
25
monsieur, qu’il vous doint en parfaicte sancté, longue et heureuse vie. De Baiard,
26
le IXe mars 1573.
27
Votre très humble allié et serviteur
28
G. Davanson A. d’Ambrun.